الرئيسية » مقاطع فيديو » The Story Of Lebanon

The Story Of Lebanon

تاريخ النشر: 09/06/23 | القسم : مقاطع فيديو | 665 مشاهدة | | تكبير الخط + | - تصغير الخط

lebanon625مره عيطلي بي ِ وألي ِ ارِب يا ولد بدي خبرك شوي عن مشاكل البلد

وخبرني انو جدي مره عيطلو كمان ألو ارب لحدي بدي خبرك عن لبنان

من زمان كتير كتير الله خلق هالاكوان وخلق هالبلد لصغير ونقالو اسم لبنان

كان جو متل السحروكانت الرجال رجالو شوكاين نضيف البحر يغسل اجرين جبالو

كانت العيشه حلوه وكروم العنب كتيره والرزقه يا ما شاء الله

يرمي الشبكه هصياد تطلع ملياني الشبكه

ماتخلص منو الاعياد

الرقص والفأش والدبكه

وكتر ما تغرد لطيور تصفي صواتى مبحوحه

والناس تنام بهليل تترك بوابا مفتوحه

صداقه

وحب

وأمان

ومحبه ونشاط وحركه

كان طيب الانسان ماشي وعايش علبركه

توفى جدي هلمسكين وما كفالو الخبريه ومرأت علخبريه سنين وكفالي ياها بيي

الي فجأه متل البرء صار بلد الازدهار اسمو صار سويسرا الشرق ليلو مضوي متل نهارهلجاي وليرايح لقضي سهرات الكيف يجي لعنا السايح يبقى لآخر الصيف

الاكل والكبه النيه

التبوله والقطايف

عيشه حلو وهنيه لا فرق بين طوايف

ونشاوف نحن من هون وهيدي لألنا لبيوت

وما ضل مطرب بلكون إلا وغنى لبيروت

بيروت يا العيش الهني

بيروت يا ست الدني

بيروت مهد الحضاره شارعس رسوء والمناره

بيروت امنا الحنونه علروشه وعزيتونه

وكتر ما غنو لبيروت

طرقوها صيبه عين

ما عادت عرفت بيروت القذايف عم تجيها منين

يقعد حسن وبشاره مع بعضون عخطوت التماس فنجان قهوه وسكاره يتسلو ويحكو عالناس

ولمن يعطوهن اشاره يبلشو عابعضون قواس

صفى في عندو بيتين بيملكون كل لبناني

بيتو الاول مدري وين والملجىء بيتو التاني

والعالم صفت بلا بيوت لا تاني ولا اولاني

وناس ايدو التوطين

وناس حتجو وقالو لاء

وما نعرف الحق عمين وليش البلد هيك نشق

والحكام المرتشين يحطوا عغيرون الحق

جوا جيابن ملهين

ونحنى عمناكل الدق

ودخل بينتنا الغريب وداهمتنا اسرائيل

هدا خي وها حبيب وهدا صهر وها عديل

المهم خربو هلبلاد وامل صفى قليل

100$ البنزين بتحصل منو شي قليل

ولتحصل علخبزات ساعه بالصف الطويل رجال ونسوان بهصف بشوبات وبالبرد

واحد يخرق الصف وعجنبو حامل فرد

عا ايام جدك يبني

بوابنا ضلا مشروعه

وعا ايامي بعدا هيك

بس هلمره مخلوعه

ما بنسى هالخبريه

وبنسى بهاك اليوم طفى السيجاره بيي قلي انا رايح عنووم

بعد مده طويله ندهت ابني عشيه لخبرو علقليله لخبرني ياهن بيي قلتلو وقف المدفع وما عرفنا كيف ولا ليش

ولمن وقف المدفع دغري وقفونا عليه

غلغل وطفى فينا ورفتنا المصايب

حد ادنا ما بيكفينا بدنا ندفع ضرايب

وخبريه المدارس هي خبريه ابريق الزيت ابنك ليصفي دارس بدك تبيع البيت

الشعب عامل كريزه

والحلم صفى فيزه

بتمنى بكره يبني تكفي القصه لابنك كمان

ما تكفيها بكندا

كفيها هون بلبنان

وبعد ما سمعت هلخبريه ِ

بدي كملكن هي

طلعت غيمه سودا والنا خربه هلبلاد

وما ضل شخص بالبيت الا ونزل ع بيروت

وصار لصار وطلع السوري من لبنان

كل يوم في انفجار متل الساعه مش مهم بليل او بنهار

ورجع لبلد نشق وماعدنا عرفنا الحق عمين

بين 8-14 عنا منن سائلين

رجعت النا اسرائيل وقطعت بينا المواصيل جسرورا ومصانع

سياسه مركبه علينا اكيد

ما مهم الي راحو المهم نتصر البلد من جديد

زاد الطمع بين الزعما ويا ارض شتدي ما حدا ادي

هيدى خربتو البلد والتاني مش هوي اكيد

رجع دخل الاجنبي بينتنا

بين ايران وسوريا واميركا واسرائيل صار بدنا فرقه تبصير

والغيمه السوده رجعه لكن حجما اكبر بكتير غطت السما بسواد وبدك مين يهدينا سلاحنا علخصر مزروع وعم نحمي شواطينا

الشوارع ستباحت حرماتا والبيوت نخلعت بوابا وناس نحلت احوالن

ع ايامك يا جدي كان حسن وبشاره بس ع ايامي بعد هيك

بس كبرت القصه بين البي وابنو وسياسه عم تلعب فينا

تيار يودي وحزب ما ي هدي

اكتر من ميه شهيد بنهر البارد عل اكيد ابو عبسي ومدري مين

المهم طلعنا منتصرين

البناني بضلو راسو مرفوع بس للا سف حكمنا المرتشين ما خلو لصلح مطرح

هدا حل وهيدا عجيب وطمعو فينا الغريب

موطنا صار غربتناوالغربه ملجئنا

ع ايامك يا جدي العصافير صفت صواتا مبحوحه لاكن ع ايامي بعد هيك بس هلمره محروقه

صحيح البناني عندو بيتين لاكن تغيرت الاحوال وصارو كلن بدين

كنت بتمنى يا بي كمل الخبريه هون

بيتي صار ديوني وحيطانو صارت بالحزن مسكونه

والعيشه صعبه وتعيسه والامل ماشي بخطوه حثيثه

بتمنى تهدى الاحول وارجع علبنان

العيشيه فيه صعبه وبعيد عنو اصعب اكيد

على راي الي قال نيال الي عندو عرزال ومرقد عنزه بلبنان


تعليقك على الفيس بوك

إقرأ أيضاً :
  •  فيصل القاسم: “ذبحتو ربنا بفلسطين” … (فيديو)
  •  أنشودة سوف نبقى هنا بصوت فضل شاكر
  •  بالفيديو… حريق هائل في أكبر مصنع للسجاد في لبنان
  •  اللحظة الاخيرة قبل مقتل ابومازن الناتوت رحمه الله
  •  جولة في أسواق صيدا